चलिरहेको त्रि–राष्ट्रिय अन्तर्राष्ट्रिय मैत्री महिला फुटबल प्रतियोगितामा नेपाल आज चीनी ताइपेईसँग प्रतिस्पर्धा गर्नेछ। खेल स्थानीय समय अनुसार साँझ ७:३० बजे सुरु हुनेछ।
फिफा महिला र्याङ्किङमा नेपाल ४२औँ स्थानमा रहेको छ भने आजको प्रतिद्वन्द्वी चीनी ताइपेई ८९औँ स्थानमा छ। १९७७ मा अन्तर्राष्ट्रिय महिलाछाप प्रतियोगिता खेल्न थालेको ताइपेईले १९७७, १९७९ र १९८१ का एएफसी महिला एसियन कप लगातार जितेको समृद्ध इतिहास बोकेको छ।
नेपाल १९८६ देखि अन्तर्राष्ट्रिय प्रतियोगितामा सहभागिता जनाउँदै आएको छ। एशियन कपमा समेत खेले पनि समूह चरणमै सीमित हुनुपरेको अनुभव नेपालसँग छ।
नेपाली टिमका मुख्य प्रशिक्षक नवीन नेपालले आजको खेलमा उत्कृष्ट प्रदर्शन गर्दै नेपालले जित निकाल्ने विश्वास व्यक्त गरेका छन्। यस्तै, महिला राष्ट्रिय टिमकी कप्तान अञ्जिला तुम्बापो सुब्बाले टोली शारीरिक तथा मानसिक रूपमा पूरा तयारीसहित मैदान उत्रिने बताइन्।
यसअघि, प्रतियोगिताको पहिलो खेलमा नेपाल इन्डोनेसियासँग पराजित भएको थियो। आजको खेल नेपालका लागि महत्वपूर्ण मानिएको छ, किनकि जित प्राप्त गरेमा घरेलु टोलीको आत्मविश्वास थप उकासिने अपेक्षा गरिएको छ।
