भारतको गोवाबाट आएका दुई उत्साही चालकहरूले एथर ४५० मोडलको विद्युतीय स्कुटरमार्फत नेपालसम्मको ऐतिहासिक अन्तरदेशीय यात्रा सफलतापूर्वक सम्पन्न गरेका छन्। आगमन–प्रस्थानसमेत गरी यो यात्रा ६ हजार किलोमिटरभन्दा बढीको रहेको थियो।
यो यात्रा एसिया बुक अफ रेकर्डमा दर्ता गर्ने योजनाअनुसार दुई कीर्तिमानी उपलब्धि हासिल गर्ने लक्ष्यसहित गरिएको थियो:
१. एक व्यक्तिद्वारा गरिएको सबैभन्दा लामो विद्युतीय स्कुटर यात्रा
२. पहिलो पटक सम्पन्न अन्तरदेशीय विद्युतीय स्कुटर यात्रा
गत ९ जनवरीमा गोवाबाट सुरु भएको यात्रामा चालकहरूले गोवा, गोरखपुर, बुटवल, चितवन हुँदै काठमाडौँसम्मको मार्ग तय गरे। यस क्रममा विभिन्न भू-भाग, लामो राजमार्ग, अन्तरदेशीय सीमा र वास्तविक चार्जिङ अवस्थाहरूको सामना गर्नुपर्यो। यात्राले प्रत्यक्ष रूपमा प्रमाणित गर्यो कि एथर ४५० अब दूरी वा विश्वसनीयतामा सीमित छैन।
यात्राले केवल कीर्तिमान मात्र होइन, विद्युतीय सवारीप्रति भरोसा, भारतमै निर्मित उत्पादनमाथि विश्वास र विद्युतीय चार्जिङ नेटवर्कको उपलब्धता परीक्षण गरेको छ। धेरै चालकहरूका लागि दूरी र बीचमै ब्याट्री सकिने चिन्ता सामान्य चुनौती हो, तर यस यात्राले ती शंकाहरू प्रत्यक्ष अनुभवबाट सम्बोधन गरेको छ।
मार्गको क्रममा स्कुटर १७ जनवरीमा बुटवल, १८ जनवरीमा चितवन र १९ जनवरीमा काठमाडौँ आइपुगेको थियो। प्रत्येक ठाँउमा एथर अनुभव केन्द्रमा प्रविधि उत्साहीहरूसँग भेटघाट र छलफल कार्यक्रम पनि आयोजना गरिएको थियो।
यस साहसिक यात्राले भारत–नेपालका विद्युतीय सवारी प्रयोगकर्ताहरूबीच संवाद र समुदाय निर्माणमा महत्वपूर्ण भूमिका खेलेको छ। चालकहरूले विद्युतीय सवारीप्रतिको आम धारणा मात्र परिवर्तन गरेको छैन, विश्वास, प्राविधिक क्षमता र समुदायको साझा प्रयासले ठूलो लक्ष्य हासिल गर्न सकिने पनि प्रमाणित गरेको छ।
