काठमाडौं । सिटिजन लाइफ इन्स्योरेन्स कम्पनी लिमिटेडले जीवन बीमालेखसँगै गम्भीर रोगबाट हुने आर्थिक जोखिमलाई सम्बोधन गर्ने गरी ‘क्रिटिकल इलनेस राइडर’ सुविधा उपलब्ध गराएको छ। यस योजनाअन्तर्गत बीमितलाई तोकिएका गम्भीर रोगमध्ये कुनै रोगको निदान भएमा सम्झौताअनुसारको बीमाङ्क रकम एकमुष्ट भुक्तानी गरिने व्यवस्था छ।
कम्पनीका अनुसार यस्तो सुविधाले गम्भीर रोगको उपचारका क्रममा उत्पन्न हुने अतिरिक्त आर्थिक भार व्यवस्थापन गर्न सहयोग पुर्याउनेछ। बीमितले उपचारमा ध्यान केन्द्रित गर्न सक्ने गरी तत्काल आर्थिक स्रोत उपलब्ध गराउने उद्देश्यले राइडर सुविधा तयार गरिएको हो।
५० हजारदेखि ५० लाख रुपैयाँसम्मको बीमाङ्क
सिटिजन लाइफको गम्भीर रोग राइडरमा न्यूनतम ५० हजार रुपैयाँदेखि अधिकतम ५० लाख रुपैयाँसम्मको बीमाङ्क लिन सकिने व्यवस्था छ। यस सुविधाका लागि प्रवेश उमेर १८ वर्षदेखि ५५ वर्षसम्म तोकिएको छ। बीमितले आफ्नो आवश्यकता अनुसार ५ वर्षदेखि २५ वर्षसम्मको बीमा अवधि छनोट गर्न सक्नेछन्।
राइडरअन्तर्गत समेटिएको कुनै तोकिएको रोगको निदान भएमा बीमितलाई सम्झौतामा उल्लेख गरिएको सम्पूर्ण बीमाङ्क रकम एकमुष्ट भुक्तानी गरिने कम्पनीले जनाएको छ।
उपचारसँगै पारिवारिक खर्च व्यवस्थापनमा सहयोग
गम्भीर रोगको उपचारका क्रममा हुने आम्दानीमा कमी वा कामबाट बिदा लिनुपर्ने अवस्थालाई समेत ध्यानमा राखेर यो सुविधा तयार गरिएको कम्पनीको भनाइ छ।
राइडरबाट प्राप्त रकमले उपचार तथा औषधि खर्चसँगै परिवारको नियमित खर्च व्यवस्थापनमा सहयोग पुग्न सक्छ। साथै, लामो समयसम्म उपचार गर्नुपर्ने अवस्थामा बालबालिकाको विद्यालय तथा विश्वविद्यालयको शुल्क, घरायसी खर्च, घरमै सहयोगी वा नर्सिङ सेवा आवश्यक परेमा हुने खर्च व्यवस्थापनमा समेत रकम उपयोग गर्न सकिनेछ।
मानक स्वास्थ्य बीमाबाट समेटिन नसक्ने थप उपचार वा विशेष औषधिका लागि आवश्यक आर्थिक स्रोत जुटाउन पनि एकमुष्ट भुक्तानी उपयोग गर्न सकिने कम्पनीले जनाएको छ।
‘सिटिजन क्रिटिकल केयर’मा १३ रोग
सिटिजन लाइफले गम्भीर रोग राइडरअन्तर्गत दुई प्रकारका सुरक्षा विकल्प उपलब्ध गराएको छ। पहिलो ‘सिटिजन क्रिटिकल केयर’ योजनाले १३ वटा गम्भीर रोग तथा स्वास्थ्य अवस्थालाई समेट्छ।
यसअन्तर्गत तोकिएको गम्भीरताको क्यान्सर, ओपन चेस्ट कोरोनरी आर्टरी बाइपास ग्राफ्ट, तोकिएको गम्भीरताको पहिलो हृदयाघात, नियमित डायलाइसिस आवश्यक पर्ने मिर्गौला विफलता, प्रमुख अंग वा बोन म्यारो प्रत्यारोपण र स्थायी लक्षणसहितको पक्षाघात हुने गरी भएको मस्तिष्कघात समेटिएका छन्।
त्यस्तै, अंगको स्थायी पक्षाघात, ओपन हार्ट सर्जरीमार्फत हृदयको भल्भ प्रतिस्थापन वा मर्मत, तोकिएको गम्भीरताको कोमा, निरन्तर लक्षणसहितको मल्टिपल स्क्लेरोसिस, महाधमनीमा ग्राफ्ट शल्यक्रिया, प्राथमिक कारण नखुलेको पल्मोनरी आर्टेरियल हाइपरटेन्सन र सिकल सेल एनेमिया पनि यस योजनामा समेटिएका छन्।
‘सिटिजन क्रिटिकल केयर प्लस’मा २० रोग
‘सिटिजन क्रिटिकल केयर प्लस’ योजनाले भने २० वटा गम्भीर रोग तथा स्वास्थ्य अवस्थालाई समेटेको छ।
यस योजनामा माथिका १३ रोगसँगै अन्तिम चरणको कलेजो विफलता, बोली गुम्नु, तेस्रो डिग्रीको जलन, ५० वर्ष उमेरअघि देखिने अल्जाइमर रोग, ५० वर्ष उमेरअघि देखिने पार्किन्सन रोग, बहिरोपन र सौम्य मस्तिष्क ट्युमर थप समावेश छन्।
कम्पनीका अनुसार गम्भीर रोगको निदानपछि एकमुष्ट रकम उपलब्ध हुने भएकाले उपचार खर्च, आम्दानीमा आउने कमी तथा परिवारका नियमित वित्तीय दायित्व व्यवस्थापनमा यसले आर्थिक सहयोग पुर्याउन सक्छ।
सिटिजन लाइफको गम्भीर रोग राइडरले बीमितलाई चिकित्सा उपचारसँग सम्बन्धित आकस्मिक आर्थिक आवश्यकताका लागि अतिरिक्त वित्तीय सुरक्षा प्रदान गर्ने उद्देश्य राखेको छ। बीमालेखमा तोकिएका सर्त तथा रोगको परिभाषाअनुसार दाबी भुक्तानी हुने व्यवस्था रहेको छ।
