काठमाडौं । नयाँ वर्षको अवसर पारेर डिशहोम इन्टरनेटले आफ्ना ग्राहकहरूका लागि आकर्षक “नयाँ वर्षको नयाँ अफर” सार्वजनिक गरेको छ। यस योजनाले वार्षिक इन्टरनेट जडान गर्ने ग्राहकलाई अतिरिक्त सेवा सुविधा प्रदान गर्ने लक्ष्य राखेको कम्पनीले जनाएको छ।
कम्पनीका अनुसार यस विशेष अफर अन्तर्गत वार्षिक रूपमा इन्टरनेट जडान गर्ने ग्राहकहरूले २ महिनासम्म अतिरिक्त बोनस अवधि पाउनेछन्। यो सुविधा २००, ३००, ६०० र १००० एमबीपीएससम्मका उच्च गतिको इन्टरनेट प्याकेजहरूमा उपलब्ध हुने बताइएको छ।
यस योजनामार्फत ग्राहकहरूले लामो समयसम्म निरन्तर, छिटो र गुणस्तरीय इन्टरनेट सेवा उपभोग गर्न सक्नेछन्। बढ्दो डिजिटल प्रयोग र इन्टरनेटको आवश्यकतालाई ध्यानमा राख्दै ग्राहकलाई थप मूल्य दिन यस्तो योजना ल्याइएको कम्पनीको भनाइ छ।
अफरका प्रमुख विशेषताहरू अनुसार यो योजना नयाँ वार्षिक इन्टरनेट जडानमा मात्र लागू हुनेछ। साथै, सीमित अवधिका लागि उपलब्ध हुने भएकाले इच्छुक ग्राहकहरूले समयमै सेवा जडान गर्नुपर्नेछ।
डिशहोम इन्टरनेटले आफूलाई नेपालका प्रमुख इन्टरनेट सेवा प्रदायकमध्ये एकका रूपमा स्थापित गर्दै आएको छ। कम्पनीले छिटो, भरपर्दो र ग्राहकमैत्री सेवा प्रदान गर्दै आएको दाबी गरेको छ।
नयाँ वर्षको अवसरमा ल्याइएको यस योजनाले ग्राहकलाई थप लाभ दिने विश्वास कम्पनीले व्यक्त गरेको छ।
