ललितपुरको बालकुमारी क्षेत्रमा सडक सौन्दर्यीकरण अभियानअन्तर्गत भित्ताहरूमा आकर्षक भित्तेचित्र कोर्न सुरु गरिएको छ।

उपत्यकाका सडक र सार्वजनिक पर्खालहरूलाई व्यवस्थित र सुन्दर बनाउने महानगर तथा स्थानीय निकायहरूको नीतिअनुरूप बालकुमारी आसपासका मुख्य सडकका भित्ताहरूमा कलात्मक पेन्टिङहरू कोरिएका हुन्।  

यी भित्तेचित्रहरूमा नेपालका परम्परा, संस्कृति र सम्पदालाई झल्काउने दृश्यहरू समेटिएका छन्।

विशेषगरी बौद्ध सम्पदा तथा लाखे नृत्यका चित्रहरू कोरिएका छन्, जसले स्थानीय सांस्कृतिक पहिचानलाई उजागर गर्नुका साथै सडकको सौन्दर्य पनि बढाएकाे छ ।