चाडपर्व नजिकिँदै गर्दा बढ्दो महँगीले उपभोक्ता चिन्तित भइरहेका बेला सरकारले यस वर्ष पनि देशभर सुपथ मूल्य पसल सञ्चालन गर्ने भएको छ। उद्योग, वाणिज्य तथा आपूर्ति मन्त्रालयको नेतृत्वमा खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेशनले आउँदो भदौ ३० गतेदेखि सुपथ मूल्य पसल सुरु गर्ने निर्णय गरेका हुन्।
गत भदौ ८ गते बसेको मन्त्रीस्तरीय बैठकले चाडपर्वमा उपभोक्तालाई राहत दिन विशेष कार्यक्रमस्वरूप सुपथ मूल्य पसल सञ्चालन गर्ने निर्णय गरेको हो। यी पसलहरू छठ पर्वसम्म सञ्चालन हुनेछन्।
कुन–कुन वस्तुमा छुट?
-
चामल, गहुँ, चिनी, दाल, गेडागुडीमा प्रतिकिलो ५ रुपैयाँ छुट
-
चिउरा, पिठो, मैदा, आँटामा प्रतिकिलो ७ रुपैयाँ छुट
-
**जिरा, धनिया, चियापत्ती, खसी–बोका–च्याङग्रा (जिउँदो)**मा प्रतिकिलो १० रुपैयाँ छुट
-
तोरी, सनफ्लावर, भटमास तेलमा प्रतिलिटर ७ रुपैयाँ छुट
-
कर्णाली क्षेत्रका सिमी, फापर, चिनो, कागुनो, उवा, जुम्ली मार्सी, बासमती चामलमा प्रतिकिलो १० रुपैयाँ छुट
-
साल्ट ट्रेडिङमार्फत नुन र चिनीमा प्रतिकिलो २ रुपैयाँ छुट, साथै तेल, चिउरा, पिठो, मैदा र दालमा प्रतिकिलो ७ रुपैयाँ छुट
कहाँ–कहाँ पसल खुल्छन्?
-
काठमाडौं उपत्यका: कालिमाटी, सतुङ्गल, जावलाखेल, कोटेश्वर, सिफल, कपन, बालाजु, सल्लाघारी, कौशलटार, काडाघारी, इमाडोल, महाराजगञ्ज गरी १२ स्थानमा स्थायी पसल, साथै ३ वटा घुम्ती पसल सञ्चालन हुनेछन्।
-
उपत्यकाबाहिर साल्ट ट्रेडिङ पसल: धनगढी, टिकापुर, अत्तरिया, बेलौरी, दिपायल, सुर्खेत, बिर्तामोड, विराटनगर, राजविराज, लाहान, जनकपुर, वीरगञ्ज, हेटौंडा, नारायणगढ, त्रिशुली, पोखरा, बागलुङ, भैरहवा, कृष्णनगर, दाङ, डडेलधुरा।
-
खाद्य व्यवस्था तथा व्यापार कम्पनी पसल: काठमाडौं सहित ४५ जिल्लामा सञ्चालन, जसमा झापा, ताप्लेजुङ, भोजपुर, संखुवासभा, सोलुखुम्बु, ओखलढुङगा, ललितपुर, रसुवा, तनहुँ, गोरखा, लम्जुङ, मुस्ताङ, बाँके, बर्दिया, खोटाङ, गुल्मी, रोल्पा, रुकुम (पूर्व–पश्चिम), कालिकोट, हुम्ला, डोल्पा, दैलेख, दार्चुला, अछाम, बाजुरा, बझाङ, जाजरकोट, मुगु, जुम्ला, बैतडी, कञ्चनपुर, डोटी, सुर्खेत, धनुषा, सिराहा, पर्सा आदि पर्छन्।
सरकारले चाडपर्वमा महँगीलाई नियन्त्रणमा राख्दै उपभोक्तालाई सहज मूल्यमा आवश्यक दैनिक उपभोग्य वस्तु उपलब्ध गराउने लक्ष्यसहित सुपथ मूल्य पसल सञ्चालन गर्दै आएको हो।
