विश्वप्रसिद्ध स्मार्टफोन ब्रान्ड भिभोले आफ्नो लोकप्रिय भी सिरिज अन्तर्गत नयाँ स्मार्टफोन ‘भिभो भी६० लाईट’ नेपाली बजारमा सार्वजनिक गरेको छ। “ट्राभल पोर्ट्रेट पर्फेक्ट पार्टनर” नारासहित प्रस्तुत गरिएको यो फोन यात्राका क्रममा पोट्रेट फोटोग्राफी प्रेमीहरूका लागि विशेष रूपमा डिजाइन गरिएको छ।
भिभोले यस स्मार्टफोनमा तेस्रो पुस्ताको एआई औरा लाईट पोर्ट्रेट ३.०, उन्नत एआई इमेजिङ प्रविधि, आकर्षक डिजाइन र शक्तिशाली प्रदर्शन संयोजन गरी आधुनिक प्रयोगकर्ताको आवश्यकतालाई सम्बोधन गरेको छ।
फोटोग्राफीमा नयाँ स्तर
भिभो भी६० लाईटमा ५० एमपी सोनी IMX882 मुख्य क्यामेरा, ८ एमपी वाइड–एङ्गल क्यामेरा, र ३२ एमपी एचडी सेल्फी क्यामेरा समावेश छन्। तेस्रो पुस्ताको एआई औरा लाईट पोर्ट्रेट ३.० प्रविधिले सामान्य फ्ल्यासभन्दा ७३ गुणा सफ्ट र प्राकृतिक प्रकाश प्रदान गर्छ। यसले प्रकाश क्षेत्रफल ४.२ गुणा बढाएर उज्यालो दोब्बर पार्छ र वातावरणअनुसार रङ्ग तापक्रम स्वचालित रूपमा मिलाउँछ।
यसका एआई फोर सीजन पोर्ट्रेट, मास्टर पोर्ट्रेट स्टाइल बोकेँ, एआई मास्टर एचडी अल्गोरिथम, र अगाडिको तथा पछाडिको दुवै क्यामेरामा ४के भिडियो रेकर्डिङ जस्ता फिचरहरूले हरेक क्षणलाई प्रोफेशनल स्तरको फोटो अनुभवमा रूपान्तरण गर्छ। त्यस्तै, एआई इरेज ३.० र एआई इन्ह्यान्स ले तस्बिरलाई केही सेकेन्डमै “सोसल–मिडिया–रेडी” बनाउँछ।
डिजाइन र प्रदर्शन
यो फोन टाइटानियम ब्लु र एलिगेन्ट ब्ल्याक दुई आकर्षक रङमा उपलब्ध छ। पारदर्शी क्यामेरा मोड्युल, स्लिम बडी र अल्ट्रा–थिन बेजलसहित यसको प्रिमियम डिजाइनले फोनलाई हल्का र स्टाइलिश बनाउँछ।
प्रदर्शनका हिसाबले,
- फाइभजी भेरिएन्टमा मीडियाटेक ७३६० टर्बो फाइभजी चिपसेट
- फोरजी भेरिएन्टमा स्न्यापड्रैगन ६८५ प्रोसेसर प्रयोग गरिएको छ।
फाइभजी मोडेलमा १२+१२ जीबी एक्सटेन्डेड र्याम र २५६ जीबी स्टोरेज,
फोरजी मोडेलमा ८+८ जीबी एक्सटेन्डेड र्याम र २५६ जीबी स्टोरेज छ।
६.७७ इन्चको एएमोलेड डिस्प्ले, १२० हर्ज रिफ्रेश रेट र ९४.२ प्रतिशत स्क्रिन–टु–बडी रेसियोले दृश्य अनुभवलाई गहिरो बनाउँछ। डुअल स्टेरिओ स्पिकरले स्पष्ट र सन्तुलित ध्वनि सुनिश्चित गर्छ।
ब्याट्री र चार्जिङ
यसमा ६५०० एमएएच ब्लु–वल्ट ब्याट्री र ९० वाट फ्ल्यास चार्ज प्रविधि रहेको छ, जसले फोनलाई १ देखि १०० प्रतिशत चार्ज हुन ५२ मिनेट मात्र लाग्छ।
यो ब्याट्री ५ वर्षसम्म उच्च दक्षतामा टिक्ने गरी अप्टिमाइज गरिएको छ।
साथै, IP65 डस्ट एण्ड वाटर रेसिस्टेन्ट, वन–ट्याप डस्ट एण्ड वाटर रिमोवल, र वेट ह्याण्ड टच सपोर्टले दैनिक प्रयोगमा थप सहजता प्रदान गर्छ।
एआई टुल र स्मार्ट फिचरहरू
उत्पादनशीलता र यात्राको सहजतालाई ध्यानमा राख्दै फोनमा गुगल जेमिनी, एआई क्याप्सन, र एआई ट्रान्सक्रिप्ट असिस्ट जस्ता फिचरहरू समावेश छन्। यी टुलहरूले नोट्स, अनुवाद र टास्क व्यवस्थापनलाई अझ सरल बनाउँछन्।
भिभोले भन्यो — “भी६० लाईटले यात्रु, अन्वेषक र सिर्जनशील प्रयोगकर्ताको जीवनशैलीमा नयाँ अध्याय लेख्नेछ।”
मूल्य र उपलब्धता
- भिभो भी६० लाईट (४जी) – रु. ३९,९९९
- भिभो भी६० लाईट (५जी) – रु. ४८,९९९
यो स्मार्टफोन असोज ३० गतेदेखि नेपालभरका भिभो अधिकृत स्टोर र दराज अनलाइन प्लेटफर्ममार्फत उपलब्ध छ। भिभोले भी६० लाईटलाई “यात्राको सम्झना, शैली र शक्ति — तीनैको परिपूर्ण संयोजन”का रूपमा प्रस्तुत गरेको छ।
