माछापुच्छ्रे बैंक लिमिटेडले आफ्ना सेवालाई अझ अत्याधुनिक र ग्राहक-मैत्री बनाउने उद्देश्यले ‘ओम्नी च्यानल रिटेल तथा कर्पोरेट इन्टरनेट बैंकिङ समाधान’ का लागि सिलबन्दी बोलपत्र आह्वान गरेको छ।
बैंकले आपूर्ति, कार्यान्वयन र समर्थनका लागि योग्य राष्ट्रिय तथा अन्तर्राष्ट्रिय फर्म/कम्पनीहरूबाट प्राविधिक, सुरक्षा, सञ्चालन, कार्यात्मक र वित्तीय पक्षको प्रस्ताव मागेको छ।
बोलपत्र प्राप्त गर्न इच्छुक फर्महरूले बैंकको प्रधान कार्यालय, लाजिम्पाट, काठमाडौँको सामान्य प्रशासन तथा खरिद विभागबाट Request for Proposal (RFP) प्राप्त गर्न सक्नेछन्। आवेदन फारम शुल्क रु. १०,०००/- गैर-फिर्ता हुने गरी जम्मा गर्नुपर्नेछ।
प्रस्ताव पेश गर्ने अन्तिम मिति नोभेम्बर २८, २०२५ (मंसिर १२, २०८२) दिउँसो ३ बजे (१५:०० NST) सम्म रहेको छ। बैंकले कुनै पनि कारण देखाएर प्रस्तावलाई पूर्ण वा आंशिक रूपमा अस्वीकार वा स्वीकार गर्ने अधिकार सुरक्षित राखेको छ।
यस कदमले आगामी दिनमा ग्राहकहरूलाई सहज, एकीकृत र आधुनिक डिजिटल बैंकिङ अनुभव प्रदान गर्ने लक्ष्य राखेको बैंकले जनाएको छ।
