आउँदो माघ ४ गतेदेखि होटल फरेष्ट इनले पहिलो चरणको आइपीओ (Initial Public Offering) निष्काशन गर्न लागिएको छ। नेपाल धितोपत्र बोर्डले ४० करोड रुपैयाँ बराबर, १०० रुपैयाँ अंकित दरका कुल ४० लाख कित्ता शेयर जारी गर्न अनुमति दिएको छ।
यसमा १० प्रतिशत अर्थात ४ लाख कित्ता शेयर वैदेशिक रोजगारीमा रहेका नेपाली नागरिकका लागि छुट्टाइएको छ। वैदेशिक रोजगारीमा रहेका नेपालीले न्यूनतम १० र अधिकतम २ लाख कित्ता शेयरका लागि आवेदन दिन सक्नेछन्।
आइपीओ विक्री प्रबन्धकको रूपमा एनआईसी एसिया क्यापिटल कार्यरत छ। होटल फरेष्ट इनको आइपीओ छिटोमा माघ ८ गते र ढिलोमा माघ १८ गतेसम्म बिक्री खुला रहनेछ।
