आज नेपाली बजारमा सुन र चाँदीको मूल्यले नयाँ रेकर्ड कायम गरेको छ। नेपाल सुनचाँदी रत्न, पत्थर तथा आभूषण महासंघका अनुसार आज सुनको मूल्य २७ सय रुपैयाँले बढेर नयाँ उच्च स्तरमा पुगेको हो।
सोमबार प्रतितोला २ लाख ८२ हजार रुपैयाँमा कारोबार भएको सुन आज बढेर २ लाख ८४ हजार ७०० रुपैयाँ पुगेको छ।
यसैगरी, चाँदीको मूल्य पनि बढेको छ। महासंघका अनुसार सोमबार प्रतितोला ५ हजार ८१० रुपैयाँमा कारोबार भएको चाँदी आज बढेर ५ हजार ८८० रुपैयाँ पुगेको छ।
