काठमाडौं । नेपाली बजारमा आज बुधबार सुनको मूल्यमा कुनै परिवर्तन नभई स्थिर रहेको छ भने चाँदीको मूल्यमा वृद्धि देखिएको छ ।
नेपाल सुनचाँदी रत्न, पत्थर तथा आभूषण महासंघका अनुसार आज छापावाल सुनको मूल्य हिजो मंगलबारकै दरमा कायम भएको हो । मंगलबार प्रतितोला ३ लाख १४ हजार ८०० रुपैयाँमा कारोबार भएको सुन आज पनि सोही मूल्यमा खरिद-बिक्री भइरहेको छ।
सुनको भाउ स्थिर रहे पनि चाँदीको मूल्यमा भने आज उछाल आएको छ । महासंघका अनुसार चाँदीको मूल्य तोलामा १३० रुपैयाँले बढेको छ । हिजो प्रतितोला ५ हजार ५८५ रुपैयाँमा कारोबार भएको चाँदी आज बढेर ५ हजार ७१५ रुपैयाँ कायम भएको छ ।
