काठमाडौँ । नेपाली बजारमा बिहीबार पनि सुनचाँदीको मूल्य घटेको छ, जसले उपभोक्तालाई केही राहत दिएको छ। अघिल्लो दिनको तुलनामा सुनको भाउ उल्लेख्य रूपमा घटेको हो।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ९८ हजार ७०० रुपैयाँ कायम गरिएको छ। बुधबार भने यही सुन प्रतितोला ३ लाख ५०० रुपैयाँमा कारोबार भएको थियो। यस आधारमा आज सुनको मूल्य प्रतितोला १ हजार ८०० रुपैयाँले घटेको हो। बुधबार पनि सुनको भाउ ८०० रुपैयाँले घटेको थियो।
त्यस्तै, चाँदीको मूल्यमा पनि गिरावट देखिएको छ। बुधबार प्रतितोला ५ हजार १ सय ३० रुपैयाँमा कारोबार भएको चाँदी आज ११० रुपैयाँले घटेर प्रतितोला ५ हजार २० रुपैयाँमा झरेको महासंघले जनाएको छ।
