बागमती प्रदेशका मुख्यमन्त्री इन्द्रबहादुर बानियाँको घर र कार्यालयमा सम्पत्ति शुद्धीकरण विभागले छापा मारेको छ ।
उनले अवैध सम्पत्ति लुकाएको आशंकामा सम्पत्ति शुद्धीकरण विभागले आज सोमबार छापा मारेको हो ।
हेटौंडाको सानोपोखरामा रहेको उनको बानियाँ निर्माण सेवा (बीएनएस) त्यहीँ रहेको उनको घरमा छापा मारेर कागजपत्र लिएर गएको हो ।
उनको काठमाडौंस्थित नक्साल र सुन्धारामा पनि विभागले छापा मारेको हो ।
नेपाली कांग्रेस बागमती प्रदेश सभापति समेत रहेका बानियाँ केही वर्षअघिसम्म निर्माण व्यवसायी कम्पनीमा आबद्ध थिए ।
अहिले पनि विभिन्न व्यवसायीक कम्पनीहरूमा उनको लगानी छ ।
