इमर्जिङ नेपालका ठूला सेयरधनी बिक्रीमा

काठमाडौं । इमर्जिङ नेपाल लिमिटेडका थप ठूला सेयरधनीले आफूसँग रहेको सेयर बिक्री गर्ने जानकारी कम्पनीलाई दिएका छन् । पछिल्लो समय कम्पनीका ठूला सेयरधनीहरूले धमाधम सेयर बिक्री गर्ने सूचना दिएसँगै कुल ९ लाख १३ हजार ९९९ कित्ता सेयर बिक्रीमा आउने भएको छ ।

कम्पनीका अनुसार आज नन्दकिशोर मण्डलले आफूसँग रहेको ५५ हजार ५६० कित्ता संस्थापक सेयर बिक्री गर्ने जानकारी दिएका छन् । उनले उक्त सेयर आगामी तीन महिनाभित्र बिक्री गर्ने भएका हुन् ।

यसअघि पनि कम्पनीका ६ जना ठूला सेयरधनीले आफूसँग रहेको कुल ८ लाख ५७ हजार ५३९ कित्ता सेयर बिक्री गर्ने जानकारी दिएका थिए । पछिल्लो सूचनासँगै बिक्रीमा आउने कुल सेयर संख्या ९ लाख १३ हजार ९९९ कित्ता पुगेको हो ।

इमर्जिङ नेपालका ठूला सेयरधनीमध्ये रेगन्सी ट्रेडिङ प्रालिले १ लाख कित्ता सेयर धारण गरेको छ । विशाल अग्रवालको नाममा १ लाख ६७ हजार २३५ कित्ता, जगदीशप्रसाद अग्रवालको नाममा ६९ हजार ४५० कित्ता र निकुञ्ज अग्रवालको नाममा १ लाख ६६ हजार ६८० कित्ता सेयर रहेको छ ।

त्यस्तै, अनुज अग्रवालको नाममा ९१ हजार ६७४ कित्ता तथा युनाइटेड डिस्ट्रिब्युटर्स नेपाल लिमिटेडको नाममा २ लाख ६२ हजार ५०० कित्ता सेयर रहेको छ ।

ठूला सेयरधनी र सेयर संख्या

कम्पनीका यी सेयरधनीले आफूले धारण गरेको सेयर आगामी तीन महिनाभित्र बिक्री गर्ने जानकारी दिएका हुन् । संस्थापक सेयरधनीबाट ठूलो परिमाणमा सेयर बिक्रीको सूचना आएपछि कम्पनीको सेयर आपूर्तिमा समेत प्रभाव पर्न सक्ने देखिएको छ ।