नेपाल बिमा प्राधिकरणको नयाँ अध्यक्ष नियुक्तिका लागि सरकारले तीन सदस्यीय सिफारिस समिति गठन गरेको छ। भदौ ९ गते बसेको मन्त्रिपरिषद् बैठकले समितिको गठन गर्ने निर्णय गरेको हो।
समितिको संयोजकमा राष्ट्रिय योजना आयोगका उपाध्यक्ष प्रा. डा. शिवराज अधिकारी रहेका छन् भने सदस्यमा अर्थ सचिव घनश्याम उपाध्याय र विज्ञतर्फ डा. खोमराज खरेल रहेका छन्।
सरकारले बीमा प्राधिकरणमा अध्यक्ष पद खाली भएपछि नयाँ नेतृत्व चयन गर्न समिति बनाएको हो। गत फागुनमा नियुक्त तत्कालीन अध्यक्ष शरद ओझालाई साउनमा पदमुक्त गरिएको थियो।
समितिले अब योग्य उम्मेदवारको नाम सिफारिस गर्नेछ र त्यसपछि सरकारले नयाँ अध्यक्षको नियुक्ति प्रक्रिया अघि बढाउने तयारी गर्नेछ।
