भेनेजुएलाकी विपक्षी नेता मारिया कोरिना मचाडोले आफ्नो नोबेल शान्ति पुरस्कार अमेरिकाका राष्ट्रपति डोनाल्ड ट्रम्पलाई दिएकी छन्।
भेनेजुएलाकी नेतृ मरियाको पुरस्कारमा ट्रम्पको आँखा
हिजो बिहीबार ह्वाइट हाउसमा भएको एक निजी भेटघाटमा आफ्नो नोबेल शान्ति पुरस्कार ट्रम्पलाई सुम्पिएको मारियाले बताएको अन्तराष्ट्रिय समाचार संस्थानहरुले जनाएका छन् ।
ट्रम्पसँग भेटपछि मचाडोले आज भेनेजुएलाका लागि ऐतिहासिक दिन रहेको उल्लेख गरिन् ।
यसैबिच राष्ट्रपति ट्रम्पले मचाडोको निर्णयको प्रशंसा गरेका छन्।
उनले मारिया एक अद्भुत महिला हुन्, जसले धेरै कुरा सहेकी छन्। मारियाले मेरो कामका लागि आफूलाई उनको नोबेल शान्ति पुरस्कार प्रदान गरेको सामाजिक सञ्जालमा जनाएका छन् ।
उनीहरूबिच प्रत्यक्ष भेटघाट भएको यो पहिलोपटक थियो।
यही जवनरी ३ तारिख अमेरिकी सेनाले भेनेजुएलामा हमला गरी त्यहाँका राष्ट्रपति निकोलस मदुरोको दम्पतीलाई नै अमेरिका लगेर हिरासतमा राखेको छ।
भेनेजुएलाकी विपक्षी नेता मचाडोले ट्रम्पको कदमको प्रशंसा गरेकी थिइन्।
राष्ट्रपति मदुरोलाई अमेरिकाले नियन्त्रणमा लिएयता भेनेजुएलामा उपराष्ट्रपति डेल्सी रोड्रिगेज कार्यवाहक राष्ट्रपति बनेकी छन्।
‘भेनेजुएलाका जनताका लागि लोकतान्त्रिक अधिकारको प्रवर्द्धन गर्न र तानाशाहीको सामना गर्दै न्यायपूर्ण र शान्तिपूर्ण तरिकाले लोकतन्त्रका लागि लडेको’ भन्दै नोबेल शान्ति समितिले सन् २०२५ को नोबेल शान्ति पुरस्कार भेनेजुएलाकी राजनीतिज्ञ मचाडोलाई दिएको थियो।
