काठमाडौं । प्रतिनिधि सभा सदस्य निर्वाचन २०८२ का कारण परेको सार्वजनिक बिदाको समयमा पनि ग्राहकलाई आवश्यक बैंकिङ सेवा उपलब्ध गराउन ग्लोबल आईएमई बैंक लिमिटेडले देशभरका विभिन्न शाखा सञ्चालनमा राख्ने जनाएको छ। बैंकले सूचना जारी गर्दै फागुन २० गतेका दिन सातै प्रदेशका चयनित शाखाबाट सीमित समयका लागि काउन्टर सेवा उपलब्ध गराइने जानकारी दिएको हो।
बैंकका अनुसार निर्वाचनको समयमा पनि ग्राहकको अत्यावश्यक वित्तीय आवश्यकता पूरा गर्न देशभरका प्रमुख शहर तथा व्यापारिक केन्द्रमा रहेका शाखाहरू खुला राखिएको छ। यस व्यवस्थाले बिदाका दिनमा पनि नगद जम्मा, नगद झिक्ने तथा अन्य आधारभूत बैंकिङ कारोबार गर्न सहज हुने बैंकले जनाएको छ।
कोशी प्रदेशमा हनुमानदास रोड, गाईघाट, धुलाबारी, तीनपैनी, इटहरी, धरान, इनरुवा तथा विराटनगर ट्राफिक चोक शाखा सञ्चालनमा रहनेछन्। यसले पूर्वी क्षेत्रका उद्योग तथा व्यापारिक गतिविधिलाई सहज बनाउने अपेक्षा गरिएको छ।
मधेश प्रदेशमा वीरगञ्ज, लहान, जनकपुर, गोलबजार, मिर्चैया र ललतण्डी शाखाबाट सेवा उपलब्ध हुनेछ। यी शाखाहरूले तराईका प्रमुख व्यापारिक केन्द्रहरूलाई लक्षित गरी सेवा दिने बैंकले जनाएको छ।
बागमती प्रदेशमा सबैभन्दा बढी शाखा सञ्चालनमा रहनेछन्। काठमाडौँ उपत्यका तथा आसपासका क्षेत्रका ग्राहकले कान्तिपथ, न्युरोड, कुलेश्वर, धापासी, ठमेल, नयाँबजार, मध्यबानेश्वर, कमलादी, चाबहिल चोक, पानीपोखरी, त्रिपुरेश्वर, गोंगबु, कोटेश्वर, कलंकी, अनामनगर, सुकेधारा, चारखाल डिल्लीबजार, संखमूल, इमाडोल, जावलाखेल, सूर्यविनायक, बनेपा, पनौती, थानकोट लगायतका शाखाबाट सेवा लिन सक्नेछन्। त्यस्तै हेटौंडा र टाँडी शाखा पनि सञ्चालनमा रहनेछन्।
गण्डकी प्रदेशमा बागलुङ र पोखरा सभागृह चोक शाखा खुला रहनेछन्। लुम्बिनी प्रदेशमा बुटवल, राममन्दिर लाइन, चौहारा बुटवल, बुटवल मुख्य शाखा, नेपालगञ्ज धम्बोजी, नेपालगञ्ज त्रिभुवन चोक, गलामण्डी, भैरहवा, तम्घास, लखन पार्क तथा घोराही शाखाबाट सेवा उपलब्ध हुनेछ।
कर्णाली प्रदेशमा सुर्खेतको जुम्ला रोड शाखा सञ्चालनमा रहनेछ भने सुदूरपश्चिम प्रदेशमा टिकापुर, अत्तरिया, धनगढी क्याम्पस चोक र महेन्द्रनगर शाखाबाट बैंकिङ सेवा प्रदान गरिनेछ।
बैंकका अनुसार निर्वाचन बिदाका दिन पनि धेरै शाखा सञ्चालनमा राख्दा नगद व्यवस्थापन सहज हुने, कारोबारमा अवरोध नआउने र डिजिटल बैंकिङ प्रणालीमा पर्ने अत्यधिक चाप कम गर्न सहयोग पुग्ने विश्वास गरिएको छ। साथै मतदानका लागि गृहजिल्ला जाने नागरिकलाई यात्रा तथा अन्य खर्चका लागि आवश्यक नगद व्यवस्थापन गर्न पनि यसले सहजता प्रदान गर्नेछ।
बैंकले सीमित समयका लागि सञ्चालन हुने शाखाहरूमा आवश्यक सुरक्षा व्यवस्था मिलाएर कर्मचारी र सेवाग्राहीका लागि सुरक्षित वातावरणमा सेवा उपलब्ध गराइने जनाएको छ। साथै बैंकको मोबाइल बैंकिङ, इन्टरनेट बैंकिङ तथा अन्य डिजिटल सेवा भने नियमित रूपमा सञ्चालनमा रहनेछन्।
निर्वाचनको सार्वजनिक बिदामा पनि देशभरका धेरै शाखाबाट सेवा सञ्चालन गर्ने निर्णयले बैंकको ग्राहककेन्द्रित नीति र सेवा निरन्तरताप्रतिको प्रतिबद्धता झल्काएको बैंकले जनाएको छ।
