सरकारले नेपाल स्टक एक्सचेञ्ज (नेप्से) को प्रमुख कार्यकारी अधिकृत (सीईओ) मा प्रताप सुवेदीलाई नियुक्त गरेको छ।
अर्थ मन्त्रालयले गठन गरेको छनोट समितिको सिफारिसका आधारमा मंगलबार बसेको मन्त्रिपरिषद् बैठकले सुवेदीलाई नेप्सेको प्रमुख कार्यकारी अधिकृतमा नियुक्त गर्ने निर्णय गरेको हो।
नवनियुक्त सीईओ सुवेदीलाई बुधबार अर्थमन्त्री डा स्वर्णिम वाग्लेले नियुक्तिपत्र प्रदान गरेका छन्।
नियुक्तिपत्र प्रदान गर्दै अर्थमन्त्री वाग्लेले सुवेदीलाई इमानदारीपूर्वक आफ्नो जिम्मेवारी निर्वाह गर्न निर्देशन दिएको अर्थमन्त्रीको सचिवालयले बताएको छ।
