काठमाडौं । सिद्धार्थ बैंक लिमिटेड ले व्यक्तिगत, परिवार, तलबभोगी, युवा, महिला तथा वैदेशिक रेमिट्यान्स प्राप्तकर्तालाई लक्षित गर्दै बचत खाताका विस्तृत तथा आधुनिक योजना सार्वजनिक गरेको छ।
बैंकले डिजिटल बैंकिङ, बीमा सुविधा, लगानी अवसर र प्रतिस्पर्धी ब्याजदरलाई जोड दिँदै आफ्ना सेवाहरूलाई थप आधुनिक र ग्राहकमैत्री बनाएको जनाएको छ। २०८२/८३ आर्थिक वर्षअनुसार अद्यावधिक गरिएको यी योजनाहरूले विभिन्न वर्गका ग्राहकको आवश्यकतालाई समेट्ने लक्ष्य राखेका छन्।
तलबभोगीका लागि “स्मार्ट स्यालरी खाता” र “सुपर स्यालरी खाता” सञ्चालनमा छन्, जसमा करिब ३.०५ प्रतिशत वार्षिक ब्याजदर, निःशुल्क डेबिट–क्रेडिट कार्ड र डिजिटल बैंकिङ सेवा उपलब्ध छन्।
बालबालिका र परिवार लक्षित “पे एन्ड सेभ खाता” र “बाल बचत खाता” मार्फत सानै उमेरदेखि बचत गर्ने बानी विकास गर्न सकिने बैंकले जनाएको छ। यी खातामा ३.०० प्रतिशतसम्म ब्याजदर र शून्य मौज्दात सुविधा उपलब्ध छ।
युवा वर्गका लागि “जेन जेड बचत खाता” सञ्चालनमा ल्याइएको छ, जसमा डिजिटल बैंकिङ सुविधा, डिम्याट तथा मेरो सेयर सेवा र बीमा कभर समेत समावेश गरिएको छ।
महिला सशक्तीकरणका लागि “नारी बचत खाता” र ज्येष्ठ नागरिकका लागि “ज्येष्ठ नागरिक बचत खाता” मार्फत विशेष सेवा र प्राथमिक बैंकिङ सुविधा उपलब्ध गराइएको छ।
वैदेशिक रोजगारीमा रहेका नेपालीका लागि “प्रिमियम रेमिट खाता” मार्फत ४.०५ प्रतिशतसम्म उच्च ब्याजदर र आईपीओ पहुँच सुविधा दिइएको छ।
त्यस्तै, “जेभन सुरक्षा बचत खाता” अन्तर्गत १८ प्रकारका गम्भीर रोग, दुर्घटना र अपाङ्गता बीमा कभरसहित १४ लाख रुपैयाँसम्मको सुरक्षा सुविधा उपलब्ध गराइएको बैंकले जनाएको छ।
साधारण ग्राहकका लागि “बचत खाता” तथा सामाजिक सुरक्षा लाभग्राहीका लागि “सोसल सेक्युरिटी खाता” पनि सञ्चालनमा छन्, जसले शून्य मौज्दातमा बैंकिङ पहुँच सुनिश्चित गर्छ।
समग्रमा, सिद्धार्थ बैंकले सबै उमेर र वर्गलाई समेट्ने गरी विविध प्रकारका बचत खाताहरू विस्तार गर्दै वित्तीय समावेशीकरण र डिजिटल बैंकिङलाई थप मजबुत बनाउने लक्ष्य राखेको जनाएको छ।
