सरकारले ११ जना सहसचिवको सरुवा गरेको छ। मन्त्रिपरिषद्को बैठकले मंगलबार सार्वजनिक गरेको छ।
प्रधानमन्त्री तथा मन्त्रिपरिषद्को कार्यालयका सहसचिव मुकेश रेग्मीलाई विद्युतीय सुशासन आयोग, सञ्चार तथा सूचना प्रविधि मन्त्रालयका सहसचिव आदेश खड्कालाई प्रधानमन्त्री तथा मन्त्रिपरिषद्को कार्यालय, सञ्चार मन्त्रालय अन्तर्गत रहेका सहसचिव श्रीचन्द्र शाहलाई अर्थ मन्त्रालय अन्तर्गत सरुवा गरिएको छ।
त्यस्तै, प्रधानमन्त्री तथा मन्त्रिपरिषद्को कार्यालयका सहसचिव अनिलकुमार दत्तलाई सञ्चार मन्त्रालय, अर्थ मन्त्रालयका सहसचिव रामदत्त भट्टलाई अर्थ मन्त्रालय, मुस्लिम आयोगका सहसचिव रमेश न्यौपानेलाई राष्ट्रिय सूचना आयोग र संघीय मामिला तथा सामान्य प्रशासन मन्त्रालय अन्तर्गत अतिरिक्त समूहमा रहेका सहसचिव सन्तोषकुमार दाहाललाई राष्ट्रपतिको कार्यालयमा सरुवा गरिएको छ।
यसैगरी, अख्तियार दुरुपयोग अनुसन्धान आयोगका सहसचिव रामकृष्ण पुडासैनीलाई अर्थ मन्त्रालय, अर्थ मन्त्रालयका सहसचिव कृष्णकुमारी श्रेष्ठलाई उद्योग, वाणिज्य तथा आपूर्ति मन्त्रालय, गृह मन्त्रालय अन्तर्गतका सहसचिव नमराज घिमिरेलाई मुस्लिम आयोग र युवा तथा खेलकुद मन्त्रालयमा काजमा रहेका सहसचिव रमेश ढकाललाई शिक्षा, विज्ञान तथा प्रविधि मन्त्रालय अन्तर्गत सरुवा गरिएको छ।
यस्तै चिकित्सा शिक्षाविद् प्रा।डा। जगदिशप्रसाद अग्रवाललाई प्रधानमन्त्री वालेन्द्र शाह-बालेनको अवैतनिक स्वास्थ्य सल्लाहकार नियुक्त भएका छन्।
मन्त्रिपरिषद्को मंगलबार बसेको बैठकले अग्रवाललाई स्वास्थ्य सल्लाहकार नियुक्त गर्ने निर्णय गरेको हो। त्रिभुवन विश्वविद्यालय, चिकित्सा शास्त्र अध्ययन संस्थान (आईओएम) का पूर्वडीन हुन्।
