काठमाडौं। दशैं २०२६ लाई लक्षित गर्दै यामाहा नेपालले ‘चङ्गा चेट, जितको नयाँ अपग्रेड’ नामक नयाँ पर्व लक्षित अभियान सार्वजनिक गरेको छ। अभियानमार्फत ग्राहकलाई यामाहाका नयाँ प्रविधियुक्त मोटरसाइकल तथा स्कुटरमा अपग्रेड हुन प्रोत्साहित गरिएको छ।
नयाँ पुस्ताको प्रविधि, आकर्षक डिजाइन र उत्कृष्ट प्रदर्शनलाई केन्द्रमा राखिएको अभियानले दशैंको अवसरमा दुईपांग्रे सवारीसाधन खरिदसँगै ग्राहकलाई विभिन्न पुरस्कार तथा सुविधाको अवसर प्रदान गर्नेछ।
अभियानअन्तर्गत ग्राहकले क्युआर कोड स्क्यान गरी दर्ता गरेर एक लाख रुपैयाँसम्मका पुरस्कार जित्ने अवसर पाउनेछन्। सवारीसाधन खरिद गरी त्यसको प्रमाणीकरण गरेपछि भने ग्राहकले १० लाख रुपैयाँसम्मको नगद पुरस्कार जित्ने अवसर पाउनेछन्। यामाहाका अनुसार यो कम्पनीले ल्याएका ठूला चाडपर्व लक्षित अभियानमध्ये एक हो।
साप्ताहिक रूपमा हाइटेक उपकरणको अवसर
अभियानमा दर्ता भएका ग्राहकले हरेक साता विभिन्न हाइटेक उपकरण जित्ने अवसरसमेत पाउनेछन्। अभियानको मुख्य पुरस्कारअन्तर्गत एक जना भाग्यशाली विजेताले नयाँ यामाहा आर१५ घर लैजान पाउनेछन्।
पुरानो सवारीसाधन साट्नेदेखि सहज वित्तीय सुविधासम्म
दशैंको समयमा नयाँ सवारीसाधन खरिदलाई सहज बनाउन यामाहाले तत्काल सवारीसाधन साट्ने सुविधा समेत उपलब्ध गराएको छ। यसमार्फत ग्राहकले आफ्नो पुरानो सवारीसाधन तत्काल साटेर नयाँ यामाहा खरिद गर्न सक्नेछन्।
त्यसैगरी, एमएडब्ल्यू हायर पर्चेजमार्फत सहज वित्तीय सुविधा उपलब्ध हुने कम्पनीले जनाएको छ। ग्राहकले ‘लैजाऊ घर, नागरिकताको भरमा’ योजना पनि लिन सक्नेछन्। यस योजनाअन्तर्गत आवश्यक नागरिकताको कागजात बुझाएर सवारीसाधन घर लैजान सकिने व्यवस्था गरिएको छ।
सबै मोडल अभियानमा समेटिए
‘चङ्गा चेट, जितको नयाँ अपग्रेड’ अभियानमा यामाहाका स्पोर्ट्स मोटरसाइकल, कम्युटर मोटरसाइकल तथा स्कुटरसहित सम्पूर्ण मोडल समेटिएका छन्। यसले ग्राहकलाई आफ्नो आवश्यकता र रोजाइअनुसार विभिन्न मोडल छनोट गर्ने अवसर दिने कम्पनीको भनाइ छ।
दशैंको अवसरमा नेपाली ग्राहकलाई उत्कृष्ट प्रदर्शन र सहज पहुँचलाई एकसाथ उपलब्ध गराउने आफ्नो निरन्तर प्रतिबद्धता अभियानले प्रतिबिम्बित गर्ने यामाहा नेपालले जनाएको छ।
बाढी प्रभावितका लागि पनि सहयोग
यामाहा नेपालले अभियानबाट प्राप्त आम्दानीको केही हिस्सा हालैको बाढीबाट प्रभावित समुदायको सहयोगका लागि प्रधानमन्त्री राहत कोषमा योगदान गर्ने घोषणा गरेको छ। यससँगै कम्पनीले चाडपर्वको उत्सवलाई सामाजिक उत्तरदायित्वसँग जोडेको जनाएको छ।
यामाहाका अनुसार ‘चङ्गा चेट, जितको नयाँ अपग्रेड’ अभियानमार्फत दशैंको सवारीसाधन खरिद अनुभवलाई थप लाभदायी र उत्साहजनक बनाउने लक्ष्य राखिएको छ। साथै, नेपालमा विश्वासिलो दुईपांग्रे ब्रान्डका रूपमा आफ्नो उपस्थितिलाई थप मजबुत बनाउने उद्देश्यसमेत अभियानले बोकेको कम्पनीले जनाएको छ।
अभियानका लागि दर्ता खुला रहेको छ। अभियानमा यामाहा नेपालका आधिकारिक नियम तथा सर्तहरू लागू हुनेछन्।
