महाकाली नदीमाथिको दोधारा-चाँदनी झोलुङ्गे पुल चुँडिएको छ।
आज बुधबार बिहान झोलुङ्गे पुल चुँडिएर महाकालीमा नदीमा लर्तिएको छ।
जिल्ला प्रहरी कार्यालय, कञ्चनपुरका अनुसार पुलको पिल्लर भत्किएर पुल भाँचिएको छ।
दोधारा चाँदनी नगरपालिका–४ स्थितमा महाकाली नदिमा रहेको झोलुङ्गे पुलको दोधारा तर्फको ५.६ मिटर बिचको भाग माथी उठेर बिहान आवतजावतमा समस्या भएको थियो।
लगत्तै पुलको पिल्लर समेत भत्किएर पुल भाँचिएको प्रहरीले जनाएको छ। पुल चुँडिएपछि आवातजावत ठप्प भएको छ।
यो झोलुङे दोधारा चाँदनीलाई सदरमुकाम महेन्द्रनगरसँग जोड्ने पुल हो।
