अस्ति शुक्रबार पत्रकारमाथि प्रहरीले गरेको धरपकड र हस्तक्षेपको घटनालाई लिएर सरकारको सर्वत्र आलोचना भइरहेको छ । यता प्रधानमन्त्रीका प्रमुख राजनीतिक सल्लाहकार कुमार बेनले भने यो गम्भीर विषयमा व्याङ्ग्य गर्दै टिप्पणी गरेका छन्।
आइतबार दिउँसो सामाजिक सञ्जाल फेसबुकमार्फत उनले २० जना पत्रकारलाई मेन्सन गर्दै लेखेका छन्, ‘यो २८ जना पत्रकारमा को–को पर्या हो । २८ मा नपर्ने नि के पत्रकार भन्नु हैन साथी हो ।’
प्रेस स्वतन्त्रता र संवैधानिक मर्म विपरित बेनको टिप्पणी आएको हो । प्रधानमन्त्रीका प्रमुख राजनीतिक सल्लाहकार बेनले नयाँ पत्रिका दैनिकमा प्रकाशित “प्रधानमन्त्री सचिवालयले २८ जना पत्रकारको सूची दिएर पक्राउ गर्न निर्देशन दिएको” भन्ने दाबीप्रति व्यङ्ग्य गर्दै सामाजिक सञ्जालमा उक्त टिप्पणी गरेका हुन्। उनले फेसबुकमा समीर बलामी, जयसिंह महरा, रोशन खड्का, रुपेश श्रेष्ठ, कृष्ण आचार्य, अनिल गिरी, शिवहरि घिमिरे, प्रदीप कार्की, ओम शर्मा, रमेश सुवेदी, गोकर्ण अवस्थी, राजु घिसिङ, मनोज सत्याल, उमेश, चिरञ्जीवी पौडेल, श्रीधर पी। पौडेल, कमल सरगम, चौलागाईं, टिकाराम यात्री, केशव खड्का, र वसन्त बस्नेतलाई मेन्सन गर्दै उक्त कुरा लेखेका हुन् 
