अमेरिकामा मध्यावधि निर्वाचनअन्तर्गत जर्जिया, साउथ क्यारोलिना र भर्मन्ट सहित ६ राज्यमा मतदान सम्पन्न भएको छ। योसँगै मतगणना सुरु गरिएको छ।
साउथ क्यारोलिनामा १९ लाखभन्दा बढी मानिसले मतदान गरेका छन्।
त्यसो त मतदान सुरु हुनुभन्दा अगाडि नै ५ करोड ७६ लाख मानिसले प्रारम्भिक मतदानमार्फत आफ्नो मत दिइसकेका छन्।
फ्लोरिडा विश्वविद्यालयको तथ्यांकअनुसार, यसपटक प्रारम्भिक मतदानले २०२२ को मध्यावधि चुनावलाई उछिनेको छ। २०२२ मा ४ करोड ५९ लाख मानिसले प्रारम्भिक मतदान गरेका थिए।
यसपटक प्रारम्भिक मतदानमा डेमोक्र्याटिक पार्टीका समर्थक बढी देखिएका छन्। यद्यपि रिपब्लिकन समर्थकले सामान्यतया चुनावको दिनमा मतदान गर्न रुचाउँछन्।
एक्जिट पोलको प्रारम्भिक नतिजाअनुसार लगभग आधा मतदाताले मध्यावधि चुनावलाई राष्ट्रपति डोनाल्ड ट्रम्पको प्रदर्शनप्रति आफ्नो असन्तुष्टि व्यक्त गर्ने अवसरको रूपमा हेरेका छन्।
४३ प्रतिशत मतदाताले ट्रम्पको विरोध गर्नु मतदानको कारण रहेको सीएनएनले जनाएको छ । यो २०१८ को मध्यावधि चुनावमा उनको पहिलो कार्यकालमा त्यसो भन्ने मतदाताहरूको प्रतिशतभन्दा निकै बढी हो।
यसैबिच फ्लोरिडाको ओस्सियोला काउन्टीमा प्रारम्भिक मतदानको गणनामा फ्लोरिडामा डेमोक्र्याटिक उम्मेदवारले अग्रता लिइरहेका छन्।
जहाँ २०२४ मा ट्रम्पले १ प्रतिशतभन्दा बढीको अन्तरले जित हासिल गरेका थिए।
त्यतिबेला यो रिपब्लिकन पार्टीका लागि एक प्रमुख उपलब्धि मानिन्थ्यो।
