प्रधानमन्त्री सुषिला कार्कीले इलाम तथा देशका अन्य क्षेत्रमा शुक्रबार र शनिबारको भारी वर्षाका कारण भएको जनधनको क्षतिप्रति गहिरो दुःख व्यक्त गरेकी छन्। उनीले शनिबार साँझ सामाजिक सञ्जालमार्फत एक सन्देश जारी गर्दै वर्षा र पहिरोबाट ज्यान गुमाएका नागरिकप्रति श्रद्धाञ्जली अर्पण गर्दै शोकसन्तप्त परिवारप्रति हार्दिक समवेदना प्रकट गरेकी छन्।
प्रधानमन्त्री कार्कीले विपद्का समयमा उद्धार तथा राहत कार्यमा खटिने सबैप्रति आभार व्यक्त गर्दै भनिन्, “संकटको घडीमा नेपाली जनताले देखाएको धैर्यता र सहयोग सराहनीय छ। यसका लागि म सबैप्रति हृदयदेखि धन्यवाद व्यक्त गर्न चाहन्छु।”
उनले विपद्बाट प्रभावित क्षेत्रहरूमा राहत वितरण कार्य निरन्तर भइरहेको समेत बताएकी छन्। प्रधानमन्त्रीको भनाइअनुसार, सरकार उद्धार, राहत र पुनःस्थापनाका कार्यलाई शीघ्र गतिमा अघि बढाउने प्रतिबद्धतासहित स्थानीय निकाय र सुरक्षा निकायहरू सँगसँगै कार्यरत छन्।
