घर बनाउन चाहने ग्राहकहरूका लागि वाणिज्य बैंकहरूले सस्तो ब्याजदरमा घरकर्जा योजना सार्वजनिक गरेका छन्। निरन्तर घट्दो ब्याजदरको परिवेशमा बैंकहरूले औसत ७ प्रतिशत स्थिर ब्याजदरमा ऋण उपलब्ध गराउने आकर्षक योजना ल्याएका छन्।
हालका केही प्रमुख बैंकहरूले प्रस्ताव गरेका ब्याजदर यस प्रकार छन्। नबिल बैंकले ७ र १० वर्षका लागि क्रमशः ६.९९ र ७.४४ प्रतिशत ब्याजदरमा ऋण उपलब्ध गराइरहेको छ। ग्लोबल आइएमई बैंकले ७.९९ प्रतिशत र एम्बेसि बैंकले ८.५० प्रतिशत स्थिर ब्याजदर तोकेको छ।
माछापुच्छ्रे बैंकले ५ वर्ष, ७–१० वर्ष, र १० वर्षभन्दा बढी अवधिका लागि क्रमशः ७.५०, ७.५०, र ८.५० प्रतिशतमा ऋण दिइरहेको छ। लक्ष्मी सनराइज बैंकले १५ वर्ष अवधिका लागि ८.४४–११.९९ प्रतिशत, कुमारी बैंकले १० वर्ष अवधिका लागि ७.५९ प्रतिशत, र एमआईबीएल एशियाले १० वर्षका लागि ८.५० प्रतिशत ब्याजदर प्रस्ताव गरेको छ।
अन्य बैंकहरूमा नेपाल बैंक ५ र १० वर्षको लागि क्रमशः ७.१० र ८.११ प्रतिशत, एनएमबि बैंक १० वर्षका लागि ८.९९ प्रतिशत, प्राइम बैंक ७.९९ प्रतिशत, र प्रभु बैंक ५ वर्ष र सो भन्दा लामो अवधिका लागि ८.५० प्रतिशत ब्याजदरमा ऋण उपलब्ध गराइरहेका छन्।
राष्ट्रिय वाणिज्य बैंक ५, १० र १५ वर्षका लागि क्रमशः ७.५५, ८.०५, ८.५५ प्रतिशत, नेपाल एसबिआई बैंक ५–२० वर्षका लागि क्रमशः ६.९९, ७.४९ र ८.४९ प्रतिशत, सिद्धार्थ बैंक १० वर्ष र सो भन्दा लामो अवधिमा ८.९९ प्रतिशत, स्टान्डर्ड चार्टर्ड बैंक ५, १० र १० वर्ष माथिका लागि क्रमशः ७.९९, ८.५५ र ८.९९ प्रतिशत तोकेको छ।
त्यस्तै सिटिजन्स बैंक १० वर्षका लागि ८.५० प्रतिशत, कृषि विकास बैंक ५, ७, १०, १५ र २० वर्षभन्दा बढी अवधिका लागि क्रमशः १०.१५, १०.२५, १०.५५, १०.७५ र ११.०५ प्रतिशत, र हिमालयन बैंक ७ वर्षका लागि ७.५९ प्रतिशत ब्याजदरमा घरकर्जा उपलब्ध गराइरहेको छ।
विशेषत: धेरै बैंकहरूले स्थिर ब्याजदर दिने भएकाले ग्राहकहरूले भविष्यमा ब्याज वृद्धिबाट जोगिने अवसर पाउनेछन्। बैंकहरूको प्रतिस्पर्धात्मक पहलले घर निर्माण वा खरिद गर्न चाहने ग्राहकहरूका लागि कर्जाको पहुँच सहज बनाएको छ।
