नेपालकै पहिलो र लोकप्रिय फुड डेलिभरी कम्पनी फुडमण्डुले आफ्नो १५औं वार्षिकोत्सव मनाएको छ। नोभेम्बर ११, २०१० मा स्थापना भएको फुडमण्डुले आज देशभरि लाखौं ग्राहकलाई हजारौं रेस्टुरेन्टसँग जोड्ने स्तरमा आफूलाई स्थापित गरेको छ।
कम्पनीले १५ वर्षमा उल्लेखनीय उपलब्धिहरू हासिल गरेको छ। काठमाडौं, पोखरा, चितवन, बुटवल लगायतका प्रमुख शहरमा हजारौं रेस्टुरेन्टसँग सहकार्य गर्दै रोजगार सिर्जना गर्नुका साथै ग्राहकहरूलाई सहज र भरोसायोग्य सेवा प्रदान गरेको छ।
फुडमण्डुका संस्थापक मनोहर अधिकारीले भने, “हामीले १५ वर्ष अघि एउटा साधारण विचारबाट सुरु गरेका थियौं: मानिसहरूले घरमै आफ्नो मनपर्ने भोजन सजिलै पाउन सकुन्। आज हामीले यो यात्रा सफलतापूर्वक पूरा गरेका छौं। यो उपलब्धि हाम्रो रेस्टुरेन्ट साझेदार, डेलिभरी राइडर र सबैभन्दा महत्त्वपूर्ण, हाम्रा विश्वसनीय ग्राहकहरूको हो।”
ब्रान्ड र मार्केटिङ प्रबन्धक इनेशा भट्टराईले थपे, “हामी १५ वर्षदेखि हरेक खाना मार्फत खुशी वितरण गर्ने हाम्रो मिशनमा प्रतिबद्ध छौं। भविष्यमा पनि यही उत्साह र सेवाप्रतिको निष्ठासँग अघि बढ्नेछौं।”
वार्षिकोत्सवको अवसरमा नोभेम्बर ११ देखि ३० सम्म काठमाडौं, पोखरा, चितवन र बुटवलका २०० भन्दा बढी रेस्टुरेन्टमा भारतीय, अमेरिकी, मेक्सिकन, कोरियन लगायतका विविध व्यञ्जनमा विशेष अफरहरू उपलब्ध हुनेछन्।
फुडमण्डुले हाल १,००० भन्दा बढी रेस्टुरेन्टमार्फत ग्राहकलाई सेवा दिँदै आएको छ र दैनिक आवश्यक वस्तुहरूका लागि फुडमण्डु वनमार्ट सेवा पनि उपलब्ध गराइरहेको छ।
