रियो डे जनेरो । ब्राजिलको फुटबलमा ठूलो हलचल सिर्जना भएको छ, जहाँ क्रुजेइरो र एटल्टिको मिनेरोबीचको खेल भारी झगडामा परिणत भएको छ।
खेलका क्रममा एटल्टिको–एमजीका गोलकिपर एभरसन लाई क्रुजेइरोका मिडफिल्डर क्रिस्टियन ले ट्याकल गर्दा विवाद सुरु भएको थियो। यसपछि एभरसनले क्रिस्टियनलाई भुइँमा धकेलेर छातीमा घुँडा राखेका थिए।
यो झगडाले २३ खेलाडीलाई लाल कार्ड दिइएको घटनामा परिणत भएको छ, जुन ब्राजिलको फुटबल इतिहासमा सबैभन्दा धेरै लाल कार्ड वितरण भएको रेकर्ड हो।
ब्राजिलियन फुटबल संघले घटनापछि थप अनुसन्धान गर्ने र आवश्यक कारवाही अघि बढाउने तयारी गरिरहेको छ। फुटबलप्रेमीहरूका लागि यो घटना भयानक तर ऐतिहासिक क्षणको रूपमा चर्चा भएको छ।
