काठमाडौं– स्वतन्त्र उर्जा उत्पादकहरुको संस्था, नेपाल(इप्पान)को आठौं अधिवेशन एवं २४ औं वार्षिक साधारणसभामा आगामी नेतृत्वका लागि महासचिव बलराम खतिवडाले वरिष्ठ उपाध्यक्षमा आफ्नो प्यानलसहित उम्मेदवारी घोषणा गरेका छन् ।
वरिष्ठ उपाध्यक्षमा खतिवडा, उपाध्यक्षमा भरत नेपाल, भरतबहादुर खत्री, कुमार खरेल र दीपक पौडेल उम्मेदवार रहेका छन् । यसैगरी, महिला उपाध्यक्षमा सिर्जना खड्का र महासचिवमा प्रकाश दुलाल खतिवडाको टिमबाट उम्मेदवार रहेका छन् ।
यस्तै, खतिवडाको प्यानलबाट सचिवमा कृष्णप्रसाद घिमिरे, ताराबहादुर इस्बो लिम्बु, वीरेन्द्रबहादुर मल्ल, संगीता धमला र इशा श्रेष्ठ रहेका छन् । त्यसैगरी, सदस्यमा सोमनाथ कँडेल, भुषण गुरागाईं, सन्तोषराज नेपाल, मिलन खड्का, जगदीश शिवाकोटी, नारायण कँडेल, सुकुन्द ओझा, ज्योति गैरे, इन्दिरा पन्त र प्रदीप ओली रहेका छन् ।
इप्पानको विधानमा वरिष्ठ उपाध्यक्ष नै आगामी महाधिवेशनमा स्वतः अध्यक्ष बन्ने प्रावधान रहेको छ । यसअघि उत्तम भ्लोन लामाले वरिष्ठ उपाध्यक्षमा प्यानलसहित उम्मेदवारी घोषणा गरिसकेका छन् ।
