काठमाडौं । आईसीएफसी फाइनान्स लिमिटेडको कायम मुकायम प्रमुख कार्यकारी अधिकृत (सीईओ) मा अमित श्रेष्ठ नियुक्त भएका छन्। कम्पनीको सञ्चालक समितिको ३७७औँ बैठकले असोज २५ गतेदेखि लागू हुने गरी श्रेष्ठलाई उक्त जिम्मेवारी दिने निर्णय गरेको हो।
यसअघि नायब प्रमुख कार्यकारी अधिकृतका रूपमा कार्यरत श्रेष्ठसँग बैंकिङ क्षेत्रमा २६ वर्षभन्दा बढीको अनुभव छ। उनले नेपाल एसबीआई बैंकमा समेत काम गरिसकेका छन्। काठमाडौं विश्वविद्यालयबाट एमबीए गरेका श्रेष्ठले नेपाल क्लियरिङ हाउस र फर्स्ट माइक्रोफाइनान्स डेभलपमेन्ट बैंकमा सञ्चालकका रूपमा पनि जिम्मेवारी निर्वाह गरिसकेका छन्।
कर्जा व्यवस्थापन, संस्थागत सञ्चालन तथा सुशासनमा अनुभव हासिल गरेका श्रेष्ठको नेतृत्वले कम्पनीको व्यवस्थापन र सेवा प्रवाहलाई थप प्रभावकारी बनाउन सहयोग पुग्ने अपेक्षा गरिएको छ।
#ICFCFinance #अमितश्रेष्ठ #FinanceNews #BankingSector #CEOAppointment #नेपालकोवित्तीयक्षेत्र
