साताको दोस्रो कारोबार दिन आज मंगलबार नेपाल स्टक एक्सचेञ्जमा आबद्ध कम्पनीको शेयर कारोबार मापक नेप्से परिसूचक ०.२४ प्रतिशतले बढेको छ।
आज नेप्से परिसूचक ६.६२ अंकले बढेर २ हजार ६६४.१३ बिन्दुमा पुगेको छ। क वर्गका कम्पनीको उपसुचक सेन्सेटिभ इण्डेक्स १.४८ अंकले उकालो लागेको स्टक एक्सचेञ्जले जनाएको छ ।
परिसूचक बढेपनि कारोबार रकम भने घटेको छ। अघिल्लो कारोबार दिन ७ अर्ब १८ करोड ३७ लाख १३ हजार रुपैयाँ बराबरको शेयर कारोबार भएकोमा आज ३४९ कम्पनीका १ करोड ५४ लाख ११ हजार कित्ता शेयर किनबेच भएका छन्।
कुल ५७ हजार ३८१ पटकको कारोबारबाट ५ अर्ब ६४ करोड ६८ लाख ६३ हजार रुपैयाँ बराबरको शेयर खरिदबिक्री भएको छ।
