काठमाडौं । भिभोले चाँडै नै आफ्नो नयाँ स्मार्टफोन भिभो भी७० एफ ई सार्वजनिक गर्ने तयारी गरिरहेको छ । २०० मेगापिक्सेल एआई ‘ट्राभल पोट्रेट’ क्षमतासहित आउने यो डिभाइसले स्टाइलिश डिजाइन, शक्तिशाली क्यामेरा प्रविधि र सहज दैनिक प्रदर्शनलाई एकसाथ समेट्ने अपेक्षा गरिएको छ ।
सामाजिक रूपमा सक्रिय तथा डिजिटल जीवनशैलीमा अभ्यस्त प्रयोगकर्तालाई लक्षित गरिएको यो स्मार्टफोनले विशेषगरी यात्रा, समूह फोटो तथा दैनिक क्षणहरूलाई अझ सहज र प्रभावशाली रूपमा कैद गर्ने लक्ष्य राखेको छ । साथीहरूसँगको घुमफिर, नयाँ स्थानको अन्वेषण वा दैनिक रमाइला पलहरूलाई उच्च गुणस्तरसहित सुरक्षित गर्न यो डिभाइस उपयोगी हुने अनुमान गरिएको छ ।
यस फोनको मुख्य आकर्षणका रूपमा २०० मेगापिक्सेल ओआईएस अल्ट्रा–क्लियर क्यामेरा रहने चर्चा छ । यसले ट्राभल पोट्रेट, क्लोज–अप तथा समूह फोटोहरूमा उत्कृष्ट डिटेल र स्पष्टता दिने अपेक्षा गरिएको छ । उज्यालो दिनदेखि सामाजिक जमघटसम्मका विभिन्न अवस्थालाई जीवन्त रूपमा कैद गर्न यसको क्यामेरा केन्द्रित हुने बताइएको छ ।
भिभोले यसमा नयाँ एआई इमेजिङ फिचरहरू पनि समावेश गर्ने संकेत दिएको छ । वातावरण, प्रकाश र दृश्यअनुसार एआईले फोटोहरूलाई स्वतः अनुकूल बनाउने भएकाले साधारण क्षणहरू पनि आकर्षक रूपमा प्रस्तुत हुने अपेक्षा गरिएको छ ।
डिजाइन पक्षमा पनि भिभो भी७० एफ ईलाई प्रिमियम र आधुनिक शैलीमा तयार गरिएको छ । नयाँ सिग्नेचर कलर, आकर्षक डाइनामिक रिङ डिजाइन तथा हल्का संरचनाले यसलाई ट्रेन्डी स्मार्टफोनका रूपमा प्रस्तुत गर्ने अनुमान गरिएको छ ।
प्रदर्शन क्षमताका हिसाबले पनि यो डिभाइसले दिनभर सहज प्रयोग अनुभव दिने विश्वास गरिएको छ । ७००० एमएएचको ब्लु भोल्ट ब्याट्री र ९० वाट फास्ट चार्जिङ जस्ता सुविधा समावेश हुन सक्ने चर्चा छ, जसले लामो समय प्रयोग र छिटो चार्जिङ अनुभव प्रदान गर्न मद्दत गर्ने अपेक्षा गरिएको छ ।
भिभोले भी७० एफ ई सम्बन्धी थप विवरण आधिकारिक लन्च नजिकिँदै जाँदा सार्वजनिक गर्ने जनाएको छ । ट्राभल पोट्रेट, एआई इमेजिङ र स्टाइलिश डिजाइनमा केन्द्रित यो स्मार्टफोनले प्रयोगकर्ताको दैनिक डिजिटल अनुभवलाई अझ सहज र आकर्षक बनाउने संकेत देखिएको छ ।
