फिफा विश्वकप-२०२६ अन्तर्गत गएराति भएको खेलमा चेक रिपब्लिक र दक्षिण अफ्रिकाले १-१ को बराबरी खेलेका छन्।
दोस्रो खेलमा पनि विजय हात पार्न नसक्दा यी दुईमध्ये एक टोली समूह चरणबाटै बाहिरिने निश्चित भएको छ।
दक्षिण अफ्रिका उद्घाटन खेलमा सहआयोजक मेक्सिकोसँग २–० ले पराजित भएको थियो भने चेकमाथि दक्षिण कोरियाले २–१ को विजय हात पारेको थियो।
एटलान्टामा भएको खेलमा मिकल साडिलेकले छैटौँ मिनेटमा गरेको गोलमा चेकले दक्षिण अफ्रिकाविरुद्ध अग्रता बनाएको थियो।
तर, टेबोहो मोकोइनाले पेनाल्टीमा गोल गरेपछि दक्षिण अफ्रिकाले ८३ औँ मिनेटमा खेल १–१ को बराबरीमा ल्याएको थियो। त्यसपछि दुवै टोलीले खेलमा अर्को गोल गर्न सकेनन्।
यी दुई टोलीबिचको खेल महिला रेफ्री टोरी पेन्सोले खेलाएकी थिइन्।
